Дам олиш жойлари ва зиератгохлар

Пойтахт ахолиси ва мехмонлари учун анъанавий дам олиш жойи - Бўстонлик туманидир. Бўстонлик туманида турли хил санаторийлар, пансионатлар ва оромгоглар билан бир каторда мехмон уйлари тармоги мавжуд. Уларнинг кўпчилиги куйидаги ахоли яшаш пунктларида жойлашган: Чорвог, Хумсон, Октош, Сойлик, Хондайлик, Юсуфхона, Чимён, Юбилейний, Бурчмулла, Богустан, Сижжак, Нанай. Бу ерда дам олувчиларга барча кулайликларга эга бўлган уйлар, дачалар, хоналар, шунингдек бир кун ёки икки кунга мўлжалланган супалар ижарага берилади. Жойлашиш нархи келишув асосида бўлиб, йилнинг мавсуми ва хизмат кўрсатиш сифатига караб фаркланади. Ижарага жой бериш ерларида ўзингиз билан олиб келган масалликдан овкат пишириш учун пуллик асосда керакли ошхона буюмлари берилади. Хар ерда биринчи зарурий нарса-буюмлар ва озик-овкат махсулотлар сотилади. Йўлларнинг умумий ахволи талабга жавоб беради. Хамма ерда симли алокадан ташкари уяли алока хам ишлайди. Атрофдаги кўплаб ахоли яшаш пунктларида хозирда шахсий мулкка айланган собик бирор-бир идорага карашли бўлган дам олиш оромгоглари мавжуд. Уларнинг кўпчилиги хозирда фаолият олиб бормокда. Ёз мавсумида оромгох эгалари  тухташ учун  жой топмаган саехатчиларни  кабул килишлари мумкин.  

Заркент. Паркентдан 5 км шаркда жойлашган тог этагидаги кишлок. Денгиз саткидан тахминан 800 метр баландликда. Заркентдан пастда жойлашган барча тог олди зонани сифатли узумзорлар ва боглар ташкил килади. Саехатчиларнинг асосий окими – кишлокнинг юкори кисмида жойлашган табаррук шайх Заркент отанинг макбарасини зиёрат килиш учун келувчилардан иборат. Айтишларича, кишлокка шайх Заркент ота асос солган экан. Якинда макбара ва унинг атрофлари кайтадан таъмирланди. Пастликдаги дарахт соялари остида айвон-супалар жойлаштирилди. Тунаш учун имкониятлар бор.  Макбара якинидаги ердан табиий булок чикиб турибди. Сифатига кўра, булокнинг суви кўшни Сўкок кишлогидаги Чашма булок суви билан айнандир. Шаркдан Заркентга туташган тог кияликлари серкоя ва тиккадир. Улар тажрибасиз саехатчилар ва махсус асбобларга эга бўлмаганлар учун   кутарилиш огир булган тўсикдир. Заркент кишлоги Тошкентдан тахминан 50 км узокликда жойлашган. Т ошкентдан  Куйлук еки Буюк ипак йули бекатларида катнайдиган транспорт билан туман маркази Паркент оркали борилади.

Сукок. Паркентдан 10 км жануби-шаркда жойлашган тог этагидаги кишлокдир. Денгиз саткидан 900 метр баландликда жойлашган. Угам-Чоткол табиий паркига туташган. Кишлок ахолисининг умумий сони 2500 атрофида. Кишлокни кесиб ўтувчи Сўкоксой бахорги тошкин ва тогларда музлар эрийдиган пайтда тўлиб окади. Ёзга якин суви саёзлашади. Сойга келадиган сувнинг асосий  манбаси - тогдаги  Чашма булоги. Кишлокнинг юкори кисмида сойнинг лаб бўйида табиат кўйнида сайр килиш учун жойлар, супалар, таом тайёрлаш учун шароитлар мавжуд. Кишлокда кўпрок колишни истовчилар учун турар жойлар ижарага берилади. Туристларнинг катта кисми асосан апрел-май ойларда том маънода кайнаётган Чашма булогини зиёрат килиш учун келишади.

Янгиобод. Ангрендан 15 км шимолда Дукенсой ва Каттасой дарёларининг кўшилиш нуктасида жойлашган шахар типидаги поселкадир. Денгиз саткидан тахминан 1200 км баландликда жойлашган. Чоткол кўрикхонасига туташган. Поселкага ўтган асрнинг иккинчи ярмида асос солинган. Уч каватли иморатлар кўм-кўк дарахтзор ва бутазорлар билан ўралган. Янгиободнинг доимий яшовчи ахолисини асосан нафакахўрлар ташкил этади. Ёзги мавсумда ахоли сони дам олувчилар хисобига кўпаяди. Янгиободнинг диккатга сазовор томонлари: текисликка нисбатан харорат 5-8 даража паст. Кулайликларга эга буш турар жойни ижарага  олиш мумкин. Савдо-сотик, транспорт ва телефон алока имконияти мавжуд. Дам олувчиларнинг киладиган асосий машхулоти – сой бўйида дам олиш ва чўмилиш. Янгиободнинг атрофи саирлар уюштириш учун кулай жойдир. Тошкентдан узоклик масофаси 110 км.

Лашкарак. Курама тог тизмасининг гарбий ёнбагирларидан бошланувчи Охангароннинг чап ирмогида - ўзига номдош сой екасидада жойлашган. Денгиз сатхидан 1700 метр баландликда. Ангрендан узоклик масофаси 20 км. Йўллар кисман асфальтланган. Кишлок ён-атрофдаги манзара табиатнинг энг гўзал бурчакларидан бири хисобланади. Кишлокни ўраб турган тоглар арчазорлар билан  копланган. Хусусий сектордан турар жойни ижарага олиш мумкин. Лашкарарсойга бориб куюлувчи кўплаб  кичик сойлар бўйлаб кайинзор ва ёнгокзорлар кад кўтариб турибди. Сув бўйидаги серсоя жойлар туристлар ва дам олувчиларни жалб килади. Сойлар турли баландликдаги шаршараларни хосил килади. Сойда чўмилишдан ташкари, кишлок ён-атрофларидаги гўзал манзараларни тамоша килиш мумкин.

Нишбош. Ангрендан Лашкарак  кишлоги йуналишида ярим йўлда жойлашган. Кишлокнинг атроф-мухитида пикниклар ва сув бўйида дам олиш учун кулай жойлар кўп. Шахсий секторда турар жойни ижарага олиш имконияти бор. Махаллий ахолидан мева-сабзавот ва сут махсулотларини сотиб олишдан ташкари бошка кўшимча хизмат турлари кўрсатилмайди. Нишбошда савдо-сотик  тизими деярли йўк, шунинг учун зарурий махсулотни ўзингиз билан олишингиз керак. Одамлардан гўшт, уйда пиширилган нон, сут махсулотларини сотиб олиш мумкин.

Эртош. Ангрендан 25 км шаркдаги ўзига номдош сойнинг дарасида жойлашган. Денгиз саткидан 1600 метр баландликда жойлашган. Эртош сойи Охангарон даресининг асосий ирмокларидан бири хисобланади.  Дам олиш ва жойлашишни ташкиллаштириш хизмати яхши ривожланмаган. Тоза тог хавоси, салкин, текисликка нисбатан 7-10 градус фарк килади, ажойиб тог манзаралари, сохиллари зич кўм-кўк ўсимликлар билан копланган тўлиб окувчи сой ва бошкалар Эртош кишлогининг ён-атрофларини ёзги дам олиш учун хушманзара жойлардан бирига айлантиради. Мехмонхона тизими бўлмаса хам, махаллий ахолининг уйида кўним топиш мумкин. Ангрен ясси тогидаги (58 км) булокни зиёрат килиш учун Эртошда автотранспортни ижарага олиш мумкин. Ангрен шахрининг шимолрогида Корабау дарёсининг дарасида жойлашган. Денгиз сатхидан 950 метр баландликда жойлашган.

Катагон. Ангрендан  тахминан 4 км  масофада, Тошкентдан 105 км узокликда. кишлок дарё дараси бўйлаб 3 км га чўзилган. Одамлар асосан сувга якин жойларда яшайдилар.   Кишлок ховлиларинг ярмидан кўпи дарё екасига ендош. Кишлок чегарасида сойнинг сохиллари дарахтлар ва бутазорлар билан ўралган. Кишлок чегарасидан кейинги тог манзараси ўзига хос бўлиб, даралар ёнгокзор, олчазор, дўлана ва арчазорлар билан копланган. Кўплаб булокларни кузатиш мумкин. Тог тарафидан эсаётган ёкимли хаво окими ёз ойларида хуштабиат иклимни юзага келтиради. Ўзининг жойлашиши ва иклимига кўра, Катагон кишлоги тевараклари ёзги дам олиш учун анч кулайдир. Катагондан Угам-Чоткол миллий богининг жанубий кисмларига саёхат килиш мумкин. Маршрутларни кўпкунлик походлар сингари режалаштириш мумкин: Катагон-Невич, Катагон-Янгиобод, Катагон-Тут, Катагон-Белдирсой, Катагон-Кумушкон. Корабау сой ўзани бўйлаб килинадиган маршрутнинг диккатга сазовор жойларидан: Корабаутепа кадимги шахрининг кўргони, коятош суратлар, металл эритиш марказининг колдиклари, кадимги руда казиб олиш жойи, “келинчактош”, турли хил шаршара ва булоклар, сой бўйидаги ўсган серсоя дарахтзор.

Коратака. Овжазсой тог дарёси бўйидаги бир-биридан 3-5 км узокликда, турли баландликда жойлашган учта тог олди кишлоклардан  бири. Дара ичидаги охирги кишлок. Денгиз сатхидан 1300 метр баландликда жойлашган. Коратака кишлокнинг ён-атрофлари арчазор билан копланган. Сой бўйида ён кокзорлар, дўланазорлар ва кайинзорлар учрайди. Кишлокдан 5 км  юкорида шаршара бор. Сув окими 15 метр баландликдан тушади. Шаршара, айникса, бахорда ва ёзнинг бошланишида жуда чиройли бўлади. Кишлокнинг сой бўйида пикниклар уюштириш имконияти мавжуд. Кишлокда ижарага жой олиш ва савдо-сотик ривожланмаган. Махаллий ахолидан сут махсулотларини, асал, уйда пиширилган нонни сотиб олиш мумкин. Колган махсулотларни ўзингиз билан олиб келишингиз керак.